Đơ̆ng rŏng kơ Lêh sơng, Đại tướng Phan Văn Giang păng Đại tướng Tea Seiha, atŭm pơgơ̆r pơma đam kơ 2 khul kơpal. Ƀar pah drơ̆ng nơ̆r sơkơ̆t, khei năr âu ki, tơbôl jang hadoi kơ 2 teh đak đei lơ jơnei kăp gĭt, pơtoi jing minh lơ̆m dôm anih dơnơm kăp gĭt lơ̆m tơbôl kơ 2 teh đak.

Asong khul kơpal năm jang, mă kăl noh khul kơdră kơpal đei pơtoi jang tơnăp; dôm trong jang hadoi gah linh đei pơjing păng tơlĕch jang kăp gĭt, hơ-‘nhăk tơbôl 2 pah hơtŏk kơjăp hloh. Khei năr truh, 2 pah drơ̆ng nơ̆r hơtŏk jang hadoi, pơtoi tơlĕch jang đei jơnei Tơchơ̆t tơlĕch jang jăl sơnăm 2019 - 2024 păng tơlĕch jang hadoi rim sơnăm, hơ-‘nhăk jang tơbôl gah linh tŏk minh jăl ‘nao, tơgop kăp gĭt lơ̆m hơtŏk ‘lơ̆ng rŏ kơ tơbôl tơjê̆ juăt jue, jang hadoi tôm tơdrong, kơjăp sơđơ̆ng đunh đai đơ̆ng Việt Nam păng Campuchia.