Ƀô̆ trương Tô Lâm ră hơdah, lơ̆m jê̆ 70 sơnăm kơ âu, tơdrong jang tơbôl Việt Nam - Indonesia hơnơ̆ng hơtŏk pran, mă kăl noh đơ̆ng mă 2 pah hơtŏk jang tơbôl lơ tơdrong ah sơnăm 2013. Anih tơm Kŏng an Việt Nam păng Kanh sat teh đak Indonesia hơtŏk tơroi tơbăt vă tang găn păng tơjră tơdrong pơm glăi, jang hadoi vei sơđơ̆ng ăn kon pơlei 2 teh đak hơrih păng pơm jang lơ̆m tơring teh kơ teh đak; pơtoi jang hadoi lơ̆m tơdrong jang kơ lơ hăm lơ teh đak kơ ASEAN gah tang găn păng tơjră tơdrong pơm yoch glăi găn lơ teh đak, Hop akŏm Ƀô̆ trương ASEAN gah tơdrong ma túy, Hop akŏm Kơdră Kanh sat dôm teh đak ASEAN…

Vă hơtŏk tơdrong jang tơbôl hadoi kơjăp hloh dơ̆ng đơ̆ng Anih tơm Kŏng an Việt Nam păng Kanh sat teh đak Indonesia, Ƀô̆ trương Tô Lâm pơtruh nơ̆r ƀar pah pơtoi hơtŏk pơtruh khul kơpal năm hơpong dih băl, pơtoi Pơma đam vei sơđơ̆ng ah jăl Thư̆ trương đơ̆ng Anih tơm Kŏng an Việt Nam păng Kanh sat teh đak Indonesia.