Ƀô̆ trương Anih tơm Nô̆i vŭ bơ̆ jang tơ̆ dêh char Đăk Lăk
Thứ bảy, 10:29, 12/08/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Kơsơ̆ năr 11/8, yă Phạm Thị Thanh Trà, jang lơ̆m Trung ương Đảng, Ƀĭ thư anih asong jang Đảng, Ƀô̆ trương Anih tơm Nô̆i atŭm hăm khul kơpal hlôi truh pơm jang hăm Anih pơgơ̆r vei lăng kon pơlei dêh char Đăk Lăk gah tơdrong jơnei đơ̆ng pơm kiơ̆ tơdrong jang vei lăng kơ teh đak kơ tơdrong jang Nô̆i vŭ lơ̆m tơring teh kơ dêh char Đăk Lăk đơ̆ng sơnăm 2021 truh năr 30/6/2023.
Tơ̆ jơ bơ̆ jang, Ƀô̆ trương Anih tơm Nô̆i vŭ Phạm Thị Thanh Trà tơbang hơdah, lơ̆m tơdrong tơlĕch jang, Đăk Lăk oei lơ tơjruh ƀơ̆t tam mă đei tơchơ̆t pran kơtang vă pơm kiơ̆ tơdrong sơkơ̆t bot gah ƀiên chê̆; oei pơsuơ̆k pơsuơ̆l lơ̆m sơkơ̆t jơnŭm jang, khul kăn ƀô̆ bơngai jang tam mă juaih, jang pơgia la, ưh đei tơnăp hăm sơnong jang; Gah tơplih jang hăn chĭn tam mă sơđơ̆ng.
Gah dôm trong jang lơ̆m khei năr truh, Ƀô̆ trương Anih tơm Nô̆i vŭ Phạm Thị Thanh Trà pơkăl dêh char Đăk Lăk pơjing minh trong jang dơnơm gah hơtŏk hơgei bơngai jang ăn teh đak, lơ̆m noh đei đe kăn ƀô̆ bơngai kon kông, hơtŏk tơdrong vei lăng teh đak lơ̆m minh ƀar tơdrong jang, mă kăl noh gah dôm tơdrong khop păng tơdrong jang kon kông.
Viết bình luận