Vă tơlĕch jang tơnăp hơmet ăn sơnăm hŏk 'nao 2023-2024, Ƀô̆ trương Nguyễn Kim Sơn pơkăl dêh char Đăk Nông akŏm pơgơ̆r păng pơm jang tơnăp minh ƀar tơdrong nhen: tơrĕk asong jang lơ hloh dơ̆ng ăn pơtho pơhrăm tơring ataih yaih, tơring kon kông; athei iŏk jang ƀiên chê̆ hăm bơngai pơtho vă vei tôm mah kơsô̆ tơchơ̆t;  tơrĕk asong jang lơ hloh ăn pơtho pơhrăm tơring ataih yaih, tơring kon pơlei kon kông; drơ̆ng minh gah trong pơm jang; hơtŏk pơ-‘lơ̆ng hnam trưng lăm hŏk; hơtŏk pran pơtho pơhrăm lơ̆m tơpôl; iŏk yua tơnăp bơngai jang tơguăt hăm tơplih 'nao păng hơtŏk pran gah khua hŏk kơmăi kơmŏk 'nao; akŏm jang đei jơnei tơdrong tơchơ̆t pơtho pơhrăm phôh thŏng 'nao kiơ̆ tơchơ̆t tơlĕch: “Sơnăm hŏk truh âu kơnh jing minh sơnăm hŏk dơnơm lơ̆m tơdrong tơplih pơtho phôh thŏng. Tơdrong jang tih hloh pơtêng hăm dôm sơnăm adrol, noh hlôi akŏm tơnăp hloh, hlôi sơkơ̆t hơdah hloh. Vă sơkơ̆t jang đei jơnei mă hơtuch đĭ đăng ăh sơnăm 2025 keh đang keh kong tơdrong tơplih pơtho pơhrăm 'nao păng hơmet ăn dôm tơchơ̆t vă tơlĕch pơtho 'nao hăm jăl mâm non”

Ƀơ̆t năm hơlen tơdrong hơmet ăn sơnăm hŏk 'nao, Ƀô̆ trương Anih tơm Pơtho Pơhrăm Nguyễn Kim Sơn hlôi năm apong, hơlêm, asong 2 tŏ tivi, 100 tong gre jrot ăn bơngai pơtho păng hŏk tro Hnam trưng THCS Hoàng Văn Thụ păng Hnam trưng Jăl kơđeh Nơ Trang Lơng, xah ataih yaih Quảng Sơn, apŭng hin dơnuh Đăk Glong.