Jĭ hơnih pơtho pơhrăm kăl hloh kơ tơdrong jang Kŏng ang, hăm lơ̆m 77 sơnăm tơ iung pơjing, atŏk tơ iung, Học viện ANND hlôi đei 30 sơnăm pơtho pơhrăm đơ̆ng rŏng đăi hŏk.

Iung pơma tơ̆ pơm lêh, Kơdră chĕp pơgơ̆r Hơnih tơm Kŏng ang Tô Lâm athei Học viện hơnơ̆ng tơlĕch jang kiơ̆ kơjăp rim trong bơ̆ jang, nơ̆r pơrô̆ jang đơ̆ng Đảng, Teh đak găh tơplih ‘nao trong pơtho pơhrăm, lơ̆m au pơtho pơhrăm đơ̆ng rŏng đăi hŏk. Adoi, sơkơ̆t hơdăh trong pơtho pơhrăm đơ̆ng rŏng đăi hŏk, tơklep hăm pơprŏ jang kơtang atŏk tơ iung kang ƀô̆ gơ̆h hơgei kơ tơdrong jang Kŏng ang vă bơ̆ jang ‘lơ̆ng tơplih ‘nao, atŏk gơ̆h hơgei tôm tơdrong pơtho pơhrăm pơma atŭm, pơtho pơhrăm đơ̆ng rŏng đăi hŏk pơma hơdrô̆ trŏ lăp hăm tơdrong ‘meh vă tơ iung pơjing khul Kŏng ang Kon pơlei tơpă rơgoh ‘lơ̆ng, pran kơtang, gơh hơgei, trŏ lăp hăm tơdrong pơkoĕl, tơdrong jang lơ̆m chăl hle.