Pơma ah jơ pơm jang, Ƀô̆ trương Tô Lâm hmach bơnê kơ dôm tơdrong jang Đảng ƀô̆, jơnŭm pơgơ̆r tơring păng kon pơlei dêh char Ninh Bình hlôi jang đei jơnei lơ̆m khei năr âu ki. Ƀô̆ trương Tô Lâm pơkăl dêh char pơtoi tơguăt hăm tơdrong pơgơ̆r jang đơ̆ng Trung ương Đảng, Jơnŭm pơgơ̆r teh đak, Kuôk hô̆i, mă kăl noh pơm kiơ̆ jơnei Tơchơ̆t 30 đơ̆ng Anih tơm Chĭnh trĭ gah hơtŏk mŭk drăm – tơpôl, vei sơđơ̆ng tơpôl hơrih jang xa tơ̆ tơring tơmăn Krong Hồng truh sơnăm 2030, sơkơ̆t truh sơnăm 2045. 

Hăm tơdrong pơm kiơ̆ sơnong jang hơtŏk mŭk drăm – tơpôl, Ƀô̆ trương Tô Lâm pơkăl Ninh Bình athei tơrĕk gah hơtŏk kŏng ngĭp, hơvơn asong jang, tơmang pơhiơ̆ păng tơdrong jang hiôk nai. Iŏk yua tơnăp jơhngơ̆m pran đơ̆ng kon pơlei vă pơjing mŭk drăm tơpôl hơtŏk tơ-iung kơ tơring.