Vă atŏk kơtang hloh dơ̆ng tơdrong tơgoăt tơgoăl jang hơdoi ƀar păh lơ̆m khei năr kơnh, tơ̆ pơma đam, ƀar păh hlôi drơ̆ng mĭnh nơ̆r gô tơlĕch jang kơtang hloh dơ̆ng rim tơdrong jang hơdoi kăl mă Hàn Quốc jang gơ̆h hơgei păng trŏ lăp hăm tơdrong ‘meh vă đơ̆ng Hơnih tơm Kŏng ang.

Ƀô̆ trưởng Tô Lâm hăm Kơdră chĕp pơgơ̆r Kim Jong-uk

Pơgơ̆r pơjing lăm pơtho pơhrăm ming trong bơ̆ jang ăn Kanh sat trong đak kơ Hơnih tơm Kŏng ang Việt Nam vă bơ̆ jang gơ̆h hơgei năm pơtrui tơ̆ đak dơsĭ kơ yuơ Kanh sat đak dơsĭ Hàn Quốc tơgŭm. Pơgơ̆r ăn khul năm ngôi dih băl vă băt hơdăh dôm tơdrong jang kơ Kanh sat đak dơsĭ Hàn Quốc păng Kanh sat vei lăng trong nơnăm Việt Nam, đơ̆ng noh tơlĕch rim trong pơprŏ jang hơdoi kơjăp vă tơdrong jang hơdoi bar păh roi năr roi kơtang hloh dơ̆ng, tơgăl hăm dôm tơdrong đei vă jang hơdoi kơ ƀar păh hơnih bơ̆ jang.