Hmach sơng kơ Khul kơpal tang măt truh tơmang, pơm jang tơ̆ Việt Nam, Ƀô̆ trương Tô Lâm bơnê kơ tơdrong mă Anih jang Kanh sat dăr hơlen đak dơsĭ Hàn Quốc tơgŭm dôm tơmam drăm chă dăr hơlen ăn Anih tơm Kŏng an Việt Nam, Ƀô̆ trương  Tô Lâm sơkơ̆t hơdah, âu jing tơdrong kăp gĭt lơ̆m tơdrong hơtŏk tơbôl jang hadoi kơ 2 anih jang tơpă đei jơnei, trŏ ƀlep hăm mŭk drăm, tơdrong kăl kơ 2 pah hăm dôm tơdrong mă atŭm tơrĕk truh; pơm jang tơnăp Tơdrong tơlĕch tơbôl Jang hadoi tôm tơdrong kơ 2 teh đak.

Kơdră Anih jang Kanh sat sơkơ̆t hơdah, Anih jang Kanh sat hơlen đak dơsĭ Hàn Quốc gô tơgŭm pơih lăm pơtho pơhrăm ăn Kanh sat dăr hơlen trong vih vơ̆t tơ̆ đak  Anih tơm Kŏng an Việt Nam vă pơgơ̆r duk dăr hơlen kơyuơ Kanh sat dăr hơlen đak dơsĭ Hàn Quốc tơgŭm.