Tơ̆ jơ sơng, Ƀô̆ trương ră hơdăh, Việt Nam păng Nhâ̆t hlôi jang hadoi lang să lơ̆m lơ tơdrong jang. Ƀô̆ trương Tô Lâm lui ngeh, khei năr truh, tơdrong tơbôl kơ 2 teh đak gô pơtoi hơtŏk 'lơ̆ng rŏ.

Ƀô̆ trương Tô Lâm hơpơi 'meh ƀok Takebe Tsutomu tơroi gah trong jang ƀar pah gơh atŭm vang jang vă tơgop tơjur ƀiơ̆ sar bar trong nơnăm păng lôch răm kơyuơ sar bar kiơ̆ trong vih vơ̆t tơ̆ Việt Nam, adoi nhen hơvơn, pơtrŭt rim anih jang đei tơrĕk kơ teh đak Nhâ̆t đei dôm tơdrong jang tơgŭm, hơtŏk hơgei ăn khul Kanh sat Trong nơnăm Việt Nam. Ƀô̆ trương Tô Lâm adoi pơkăl ƀok Takebe Tsutomu pơtrŭt dôm anih jang chă hơlen, iŏk bơngai jang kŏng an kon pơlei, adoi nhen tơgŭm tơroh jang hadoi đơ̆ng dôm anih jang kơ Anih tơm Kŏng an hăm Trưng Đăi hŏk Việt – Nhâ̆t.