Tơroi tơbăt akŏm nơ̆r tơgop pơma dơnuh tơ̆ Hop akŏm tơ băt, dôm nơ̆r tơgop tơƀôh tơdrong chơt hơiă, chhôk ‘nă tơ̆ hơnăp dôm jơnei tih tên đơ̆ng tơdrong jang tơplih ‘nao teh đak, lơ̆m noh đei tơdrong tơgop tih tên đơ̆ng grŭp mĭnh jơhngơ̆m đon đĭ đăng hơdrĕch hơdrŭng. Athei hơnơ̆ng tơblang hơdăh, pơm hơdăh hơnăp jang, tơdrong jang đơ̆ng Mặt trận lơ̆m khei ‘năr hrei ‘nâu, tơgop hơnhăk teh đak yak mơ̆t lơ̆m chăl ‘nao păng tơlĕch 1,2 trong jang ‘lơ̆ng vă hơtŏk ‘lơ̆ng, đei yua tơdrong jang Mặt trận lơ̆m jăl jang truh.

Hop akŏm hlôi pơma pơdrơ̆ng rơih 397 ‘nu vang jang lơ̆m Anih jang Trung ương MTTQ Việt Nam jăl 10. Ƀok Đỗ Văn Chiến, Bơngai jang lơ̆m Anih tơm Chĭnh trĭ, Bí thư Trung ương Đảng, Kơdră Anih jang Trung ương MTTQ Việt Nam jăl 9 đei pôk pơm dơ̆ng Kơdră Anih jang Trung ương MTTQ Việt Nam jăl 10.