Tang măt kơdră chĕp kơ̆l Đảng, teh đak, Kơdră Kuôk hô̆i Vương Đình Huệ lăng ‘lơ̆ng, chih iŏk păng pôk pơ ư dôm jơnei mă rim jơhnơr kang ƀô̆, khŭl lĭnh tơblăh tang găn gre păr hlôi iŏk đei lơ̆m prăt 60 sơnăm âu ki.

Hăm dôm jơnei ang hơdăh păng tơdrong joăt joe pran kơtang lơ̆m 60 sơnăm âu ki, Kơdră Kuôk hô̆i lui ngeh akhan, hăm tơdrong chĕp kơ̆l đơ̆ng Đảng, vei lăng đơ̆ng teh đak, kơtă ‘noh jĭ Quân uỷ Trung ương păng Anih tơm vei lăng Khŭl lĭnh, đĭ đăng kang ƀô̆, yŏng lĭnh, si kuan păng khŭl linh tơblăh tang găn gre păr gô hơnơ̆ng hơdrin, yak hloh rim tơdrong mơmat tat, long nol, hơnơ̆ng hơtŏk jơnei hlôi iŏk đei, jang đang hơgei hloh tơdrong jang pơ jing păng vei lăng rơvơ̆ng plĕnh teh đak.