Tang măt ăn Anih tơm vei lăng Công an Việt Nam, Ƀok Kơdră Tô Lâm hơiă hăm Ƀok Kơdră Kolokoltsev Vladimir Alexandrovich, hơiă hăm dôm bơngai jang tơdrong jang lei lăi băl păih Nga jang đei lơ tơdrong jơnei lơ̆m tơdrong vei sơđơ̆ng tơpôl, vei kơjăp tơdrong arih xa hiôk hian ăn kon pơlei Nga, jang đei lơ tơdrong jơnei tih, ‘lơ̆ng hơiă lơ̆m rim tơdrong mă Kơdră chĕp kơ̆l tĕh đak Nga pơjao ăn.

Pơma tơ̆ jơ pơm lêh, Kơdră jang Nội vụ tĕh đak Nga bơnê kơ Đảng, Tĕh đak Việt Nam hlôi hơpăh Mê đai jang tơbôl – ‘nâu jĭ tơmam hơpăh tôch kăp gĭt hăm kơdih kâu ƀok, jĭ tơdrong chih răk dôm tơdrong tơgop gĭt kăl vă pơm hơtŏk tơdrong pơvei đơ̆ng 2 tĕh đak Nga – Việt Nam pơma atŭm, đơ̆ng Anih tơm jang Nội vụ tĕh đak Nga – Anih tơm vei lăng Công an Việt Nam pơma hơdrô̆ roi đunh roi tŏk pran, roi ‘lơ̆ng păng đei yoa hlŏh dơ̆ng.