Tơ̆ hop akŏm, Kơdră tơm vei lăng Công an, ƀok Tô Lâm tơchĕng ‘lơ̆ng dôm tơdrong jang đei đơ̆ng Lào Cai lơ̆m khei ‘năr âu ki; hơdai hăm ‘nŏh tơƀôh đon tơgŭm ăn dôm tơdrong vă jang tŏk đơ̆ng Lào Cai păng dôm tơdrong jang tơm ƀơm truh tơdrong jang kiơ̆ Tơdrong tơchơ̆t kơsô̆ 11 đơ̆ng Anih tơm Chinh trĭ găh trong vă jang atŏk tơiung tơring tŏk bŏk đak krong, tơring groi kông găh Tu. Hăm tơdrong jang vei lăng ‘lơ̆ng tơdrong sơđơ̆ng, tang găn tơdrong yoch, ƀok Kơdră Tô Lâm akhan, khul linh Công an xăh athei jing khul jang tơm, athei bơ̆ jang mă kơchăng tơ̆ tơring mưh vei lăng tơdrong sơđơ̆ng, yoa đĭ đăng rim tơdrong ƀơm truh tơdrong sơđơ̆ng đa đei đơ̆ng tơring hơdrol ngăl.

Ƀok Kơdră Tô Lâm oei tơtă dơ̆ng, Lào Cai athei năng kăl tơdrong tang găn yoch, iŏk tơdrong tang găn đơ̆ng tơpôl ‘nŏh tơm, athei bơ̆ jang đunh đai, tang găn tơdrong yoch jĭ tơdrong jang tôch gĭt kăl. Mă loi, athei gơnang kơ kon pơlei, đĭ jơhngâm pơvih pơvăn, tơgŭm ăn kon pơlei, hơmet kơjăp đon lui, pơjing jơhngâm pran atŭm vă tơiung pơjing păng jang tŏk teh đak.