Ƀok Kơdră Tô Lâm pơma nuh hăm Bí thư Trùng Khánh Viên Gia Quân
Thứ bảy, 09:34, 16/09/2023
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar - Lơ̆m ‘măng năm hơpong tơ̆ tĕh đak Trung Quốc, ‘năr 15/9, Đại tướng Tô Lâm – Kơdră tơm vei lăng Công an hlôi pơma nuh hăm Bí thư Đảng plt Trùng Khánh, Viên Gia Quân.
Bí thư Đảng plt Viên Gia Quân tơƀôh đon hơiă đei sơng ƀok Kơdră Tô Lâm păng Khul tang măt ăn Anih tơm vei lăng Công an Việt Nam truh hơpong tơ̆ Trùng Khánh. Ƀok Kơdră Tô Lâm tơroi, sơnăm 2015, Anih tơlĕch trong tĕch mơdro xa mă blŭng đơ̆ng Việt Nam đei pơm tơ̆ Trùng Khánh. Ƀok Kơdră athei 2 păh hơnơ̆ng hơtŏk tơdrong jang hơdoi, hơtŏk loi dơ̆ng tơdrong đei yoa lơ̆m rim tơdrong jang mŭk drăm, tĕch mơdro.
Hrei ‘nâu Công an plt Trùng Khánh hăm Công an dôm tơring Việt Nam đei lơ tơdrong jang hơdoi păng iŏk đei lơ tơdrong ‘lơ̆ng. Ƀok Kơdră Tô Lâm tơƀôh đon hơpơi ‘mĕh păng athei kơdră chĕp kơ̆l plt Trùng Khánh hơnơ̆ng pơjing tơdrong ‘lơ̆ng ăn anih jang luơ̆t hơtŏk tơdrong jang hơdoi hăm Công an tơ̆ dôm tơring lơ̆m tĕh đak Việt Nam.
Viết bình luận