‘Măng năm tơmang ou ưh khan lăp tơdrong pơgơ̆r tơbôl gĭt kăl mă oei tơbăt hơdăh tơdrong lui yom păng nơ̆r pơkăp đơ̆ng Nga hăm tơdrong tơgoăt tơgoăl jang hơdoi lơ tơdrong hăm Việt Nam.

Adoi, ‘măng năm tơmang jei tơbăt hơdăh Việt Nam tơlĕch jang kiơ̆ kơtang trong jang tơbôl kiơ̆ trong pơm tơm kơdih, tôm tong, lơ pang, kơ yuơ đei iŏk yoa ăn teh đak, hơdrĕch hơdrung păng tơgop lơ̆m rơngei hiôk hian, sơđơ̆ng lơ̆m apŭng plĕnh teh. Lơ̆m ‘măng năm tơmang đơ̆ng Ƀok kơdră tơm Putin, kơdră chĕp pơgơ̆r ƀar teh đak gô pơma dơnuh păng pơchoh trong ăn tơgoăt tơgoăl Jang hơdoi tôm tong truh sơnăm 2030, xơkơ̆t hơdăh hloh dơ̆ng rim tơdrong jang hơdoi kăl, đơ̆ng mŭk drăm, mơdro sa, vei lăng sơđơ̆ng teh đak, ŭnh hơyuh, khoa hŏk kmăi kmŏk truh pơtho pơhrăm, oei sa joh ayŏ, tơbôl kon pơlei. Rim trong tơlĕch jang đunh đai păng trong pơprŏ hơdăh gô tơlĕch ăn, vă sơđơ̆ng ăn tơdrong atŏk tơ iung kơjăp ‘lơ̆ng păng jơnei kơ tơgoăt tơgoăl dih băl lơ̆m hơnô̆ hơnăp kơnh.