Vang truh hop akŏm đei 300 ‘nu bơngai tang măt ăn đon hơdrin, ‘meh vă đơ̆ng vă jê̆ 85 rơbâu đoàn viên, kang ƀô̆, bơngai jang teh đak, bơngai jang găh Công đoàn bơngai jang teh đak Việt Nam. Jăl jang 2018-2023, rim Kơdră Công đoàn bơngai jang teh đak Việt Nam tơlĕch jang lơ tơdrong jang hăm 3 tơdrong gĭt kăl đei lơ trong jang tơplih ‘nao trong bơ̆jang, trong pơm pơcheh vă pơm lăp hăm ‘meh vă  đơ̆ng yan âu, lăp hăm tơdrong hơtŏk tơiung atŭm.

Hop akŏm hlôi pôk Khŭl chĕp kơ̆l pơgơ̆r Công đoàn bơngai jang teh đak Việt Nam jăl 6 jăl jang 2023-2028 ‘noh đei 35 ‘nu jang. Ƀok Ngọ Duy Hiểu, Phŏ Kơdră Tổng Liên đoàn Lao động Việt Nam hơnơ̆ng đei pôk pơm dơ̆ng Kơdră Công đoàn bơngai jang teh đak Việt Nam jăl 6. Jăl jang 2023-2028, Công đoàn bơngai jang teh đak Việt Nam băt hơdăh 3 tơdrong ‘lơ̆ng ‘noh; Pơjing khŭl kang ƀô̆ công đoàn rim tơring; Jang hơdai hăm khŭl kơdră chĕp kơ̆l anih jang, anih mơdro sa hơtŏk ‘lơ̆ng bơngai jang; Tŭn pran tơplih kơ sô̆ lơ̆m tơdrong jang anih jang, lăng kăl tơplih kơ sô̆ lơ̆m bơ̆jang công đoàn./.