Pơgê 6/11, Anih jang Đảng dêh char Gia Lai pơgơ̆r hop akŏm tơlĕch tơdrong Tơchơ̆t đơ̆ng Ban Bí thư Trung ương Đảng găh tơdrong jang kang ƀô̆. Ƀok Nguyễn Ngọc Lương, 48 sơnăm, pơlei pơla xăh Thiệu Vận, apŭng Thiệu Hóa, dêh char Thanh Hóa; hŏk Tiến sĩ Luật học, Cao cấp lý luận chính trị.

Hơdrol kơ đei pôk hơtŏk pơm Phŏ Bí thư Anih jang Đảng dêh char Gia Lai, ƀok Nguyễn Ngọc Lương pơm Bí thư Trung ương Đoàn, Kơdră Trung ương Khŭl vei lăng hơdruh tơdăm Việt Nam. Dang ei, Anih jang Đảng dêh char Gia Lai đei Bí thư Anih jang Đảng dêh char ‘noh ƀok Hồ Văn Niên, Phŏ bí thư ‘noh ƀok Châu Ngọc Tuấn. 2 Phŏ bí thư ‘noh ƀok Ra Lan Chung păng ƀok Nguyễn Ngọc Lương.