Pơma tơ̆ jơ pơm lêh, ƀok Nguyễn Trọng Nghĩa athei, Đăi hŏk Bách khoa Hà Nội athei hlôh vao kơjăp păng bơ̆ jang kiơ̆ rim đon tơchĕng, trong jang đơ̆ng Đảng găh pơtho pơhrăm, khoa hŏk kơmăy kơmŏk, tơplih ‘nao rơgei, tơplih hăm kơmăy sô̆. Hơtŏk đon hlôh vao găh anih dơ̆ng, hơnăp jang đơ̆ng kơdih lơ̆m tơdrong pơtho pơhrăm khul bơngai jang rơgei.

Chơng hơnhăk tơdrong tơchĕng hơlen khoa hŏk, tơplih ‘nao rơgei lơ̆m rim tơdrong jang khoa hŏk ki thuơ̆t, kơmăy kơmŏk, pơm lăp hăm tơdrong ‘mĕh vă jang tŏk hrĕnh, kơjăp kơ teh đak. Atŭm hăm ‘nŏh, tơgop gĭt kăl ăn tơdrong jang atŏk tơiung mŭk drăm, tơpôl păng vei lăng ‘lơ̆ng tơdrong sơđơ̆ng tơ̆ tơring Teh tơmăn đak krong Hồng truh sơnăm 2030, trong vă jang truh sơnăm 2045.