Tơ̆ hơnih bơ̆ jang, Khul kơdră chĕp pơgơ̆r Đảng dêh char Bắc Kạn apĭnh athei khul bơ̆ jang păng Trung ương hơmet ming mă trŏ ƀlep găh bơ̆ jang kang ƀô̆ tơring nhen pơkăp măt bơngai kang ƀô̆ ăn hơnih bơ̆ jang, veh ver đei tơdrong đei hơnih ưh kơ măh vă pơprŏ kang ƀô̆.

Pơma pơtôch jơ bơ̆ jang, ƀok Nguyễn Xuân Thắng hơlen, Bắc Kạn đei trong jang hơ iă, jơnei lơ̆m bơ̆ jang tơmơ̆t jang, pơprŏ pơjao jang adoi nhen tơplih ‘nao, atŏk jơnei bơ̆ jang tơlĕch jang kiơ̆ rim tơdrong tơchơ̆t đơ̆ng Đảng. Adoi athei lơ̆m khei năr kơnh Bắc Kạn kăl hơnơ̆ng atŏk ‘lơ̆ng khul kang ƀô̆, mă kăl tơlĕch jang ‘lơ̆ng tơplih ‘nao, tơchăr hơ iă lơ̆m bơ̆ jang.