Atŭm hăm tơl hơdăh, tơgoăt iŏk nơ̆r tơgop đơ̆ng bơngai tăh hla găh rim tơdrong mŭk drăm-tơpôl, ƀok Phan Đình Trạc hlôi athei hơnih bơ̆ jang kơ Lâm Đồng lăng hơlen, hơmet pơ ‘lơ̆ng tơdrong ăn tŏk iŏk hăm jên cheh lơ mă bơngai tăh hla pơma tơbăt. Lơ̆m ou đei tơdrong kon pơlei tŏk iŏk 270 triu hlak jên, mălei Hơnih xek tơlang chă tơlang tơchơ̆t athei bơngai tŏk iŏk ăn bơngai ăn tŏk iŏk 4 ti hlak jên ‘noh găh bơngai tăh hla Kơ Să Ka Thêm. 

Iung pơma tơ̆ jơ tơƀơ̆p, ƀok Phan Đình Trạc, Kơdră jang lơ̆m Hơnih tơm Chinh trĭ, Bí thư Trung ương Đảng, Kơdră chĕp pơgơ̆r Ban nội chính trung ương akhan, dôm nơ̆r tơgop, apĭnh athei đơ̆ng bơngai tăh hla tôch trŏ lăp. Tơdrong ăn tŏk iŏk hăm jên cheh lơ lơ̆m tơring pơma atŭm păng găh yă Kơ Să Ka Thêm pơma hơdrô̆, ƀok Phan Đình Trạc athei hơnih bơ̆ jang dêh char Lâm Đồng kăl iung jang dăr lăng hơlen, Hơnih xek tơlang dêh char Lâm Đồng kăl lăng hơlen dơ̆ng hăm đei ƀơm truh tơdrong pơm glăi hinh sư̆ dăh mă ưh.