Pơjao hla bar tơchơ̆t păng pơjao sơnong jang ăn rim Kơdră jang tang măt, Ƀok Tổng Bí thư, Kơdră teh đak bơ̆n sơkơ̆t hơdah, rim kơdră đei pơjao sơnong jang âu adoi jing dôm bơngai jang tơbôl hơgei, kloh klĕch jang đunh sơnăm lơ̆m tơdrong jang tơbôl.

Mă tơpôl lơ̆m apŭng plenh teh, lơ̆m tơring tơsŭl tơsăl tơnap tap, mă lei rim Kơdră đei pôk jang tang măt sơkơ̆t hơdah tơdrong hiôk tơm noh teh đak bơ̆n tŏk bŏk oei yak ah anglŏ sơnăm ‘nao, khei năr vă hơtŏk tơ-iung kơ hơdrung hơdrĕch; ah iŏk sơnong jang ‘nao hăm đon bơnôh pơ-ư pơ-ang păng lui ngeh hăm tơdrong hơtŏk tơ-iung kơ teh đak, sơkơ̆t hơdah gô hơnơ̆ng sơkơ̆t tơdrong pơyua ăn teh đak, ăn kon pơlei noh mă tơm; tơguăt 3 anih dơnơm noh jang tơbôl Đảng, Jơnŭm pơgơ̆r teh đak păng kon pơlei; tơguăt jang tơbôl hăm vei lăng sơđơ̆ng tơpôl teh đak; pơjing anih jang tang măt kơjăp kơtang, vă rim kang ƀô̆, mă kăl noh bơngai jang tang măt athei mă tơgăl ăn kon pơlei, Đảng, Jơnŭm pơgơ̆r teh đak, kon pơlei Việt Nam.