Ƀok Tổng Bí thư, Kơdră teh đak bơ̆n Tô Lâm sơkơ̆t hơdah Việt Nam khŏm mă jang keh tơchơ̆t jang tơbôl hiôk hian hăm lơ teh đak, pơtoi lăng tơgĭt păng hơtŏk jang Tơbôl tôm tơdrong hăm teh đak Nga, hơnơ̆ng sơkơ̆t hơdah, jang tơbôl hăm teh đak Nga noh kăp gĭt hloh, jĭ minh trong jang dơnơm lơ̆m tơchơ̆t jang tơbôl kơ po.

Ƀar ƀok kơdră drơ̆ng nơ̆r sơkơ̆t hơdah tơdrong jang tơbôl Việt Nam - Liên bang Nga hơtŏk ‘lơ̆ng hơ-iă păng đei jơnei kăp gĭt lơ̆m tôm tơdrong jang, mă kăl gah vei sơđơ̆ng tơpôl, jang gah unh hơyuh, gah hơyuh soh ‘nâu nai hia. Ƀok Tổng Bí thư, Kơdră teh đak bơ̆n Tô Lâm păng ƀok Kơdră Vladimir Putin hlôi pơma đam, drơ̆ng nơ̆r minh ƀar tơchơ̆t kăp gĭt lơ̆m khei năr truh tơlĕch jang hadoi 2 pah păng jang hadoi hăm lơ teh đak nai.