Ƀok Tổng Bí thư Nguyễn Phú Trọng pơgơ̆r 'măng hop akŏm 24 Jơnŭm pơgơ̆r jang gah tang găn păng tơjră xa pơjĭp, kơnê̆
Thứ năm, 08:28, 17/08/2023
VOV/Lan tơblơ̆
VOV/Lan tơblơ̆
VOV4.Bahnar – Pơgê năr 16/8/2023, tơ̆ Anih jang Trung ương Đảng, Ƀok Tổng Bí thư Nguyễn Phú Trọng, Kơdră Jơnŭm pơgơ̆r jang, pơgơ̆r Hop akŏm 'măng mă 24 Jơnŭm pơgơ̆r jang Trung ương gah tang găn păng tơjră xa pơjĭp, kơnê̆ vă pơma đam, tơgop nơ̆r ăn tơdrong jang kơ Jơnŭm pơgơ̆r jang lơ̆m 6 khei blŭng sơnăm 2023 păng hơlen lăng dơ̆ng tơdrong jang tang găn păng tơjră xa pơjĭp kơnê̆ đơ̆ng blŭng jăl Hop akŏm 13 kơ Đảng truh dang ei; sơkơ̆t hơdah sơnong jang tơm lơ̆m dôm khei jê̆ đĭ sơnăm păng lơ̆m khei năr truh.
Adrol kơ noh ah năr 10/5, Anih juăt jang kơ Jơnŭm pơgơ̆r jang Trung ương gah tang găn păng tơjră xa pơjĭp kơnê̆ (Jơnŭm pơgơ̆r jang) pơgơ̆r tơdrong hop akŏm hăm tơdrong pơgơ̆r đơ̆ng ƀok Tổng Bí thư Nguyễn Phú Trọng.
Tơ̆ hop akŏm âu, Anih juăt jang kơ Jơnŭm pơgơ̆r pơkăl, rim jăl jang đảng, anih jang đei tơrĕk pơtoi hơtŏk pran tơdrong tang găn păng tơjră sa pơjĭp hăm tơchơ̆t "khŏm pơm jang ưh đei pơdơh pơdơi, ưh đei lon kơ bu, tơring ayơ, ưh kơ jô̆ bơngai noh bu", tơlĕch jang đei jơnei dôm tơdrong jang tang găn păng tơjră sa pơjĭp kơnê̆ kiơ̆ Tơchơ̆t 'Măng hop akŏm mă 23 đơ̆ng Tổng Bí thư, Kơdră Jơnŭm pơgơ̆r jang păng Tơdrong jang sơnăm 2023 đơ̆ng Jơnŭm pơgơ̆r jang.
Viết bình luận