Ƀok Tổng Bí thư Nguyễn Phú Trọng sơng Ƀô̆ trương Anih tơm jang tơbôl Trung Quốc Vương Nghị
Thứ bảy, 10:01, 02/12/2023
VOV/Lan tơblơ̆
VOV/Lan tơblơ̆
VOV4.Bahnar – Kơsơ̆ năr 1/12, tơ̆ Anih jang Trung ương Đảng, Ƀok Tổng Bí thư Nguyễn Phú Trọng hlôi sơng Bơngai jang lơ̆m Anih tơm Chĭnh trĭ, Kơdră Anih jang gah tơdrong jang tơbôl Trung ương Đảng Cộng sản Trung Quốc, Ƀô̆ trương Anih tơm jang tơbôl Trung Quốc Vương Nghị tŏk bŏk năm tơmang, pơm jang tơ̆ Việt Nam.
Ƀok Tổng Bí thư Nguyễn Phú Trọng bơnê kơ ƀok Vương Nghị năm tơmang Việt Nam, lui ngeh ‘măng năm tơmang gô tơgop hơtŏk dôm tơdrong jang hadoi kơ 2 teh đak roi kơjăp đei jơnei hloh.
Ră hơdah hăm tơdrong pơgơ̆r păng sơkơ̆t jang đơ̆ng 2 ƀok Tổng Bí thư 2 Đảng, dôm anih jang kơ 2 pah gô hơtŏk jang hadoi đei jơnei lơ̆m dôm tơdrong jang, hơtŏk đon lui chĭnh trĭ, pơm hơtŏk tơdrong jang tơbôl tơjê̆, jang hadoi tôm tơdrong Việt Nam - Trung Quốc lơ̆m khei năr truh.
Viết bình luận