Ƀok Tổng Bí thư Nguyễn Phú Trọng ră hơdah, 'măng năm tơmang jing gru kơnăl kăp gĭt, tơƀôh tơdrong tơbôl juăt jue păng hơpơi 'meh atŭm kơ 2 teh đak noh hơtŏk jang tơbôl kơjăp hloh kơyuơ tơdrong pơyua kơ 2 hơdrung hơdrĕch, kơyuơ tơdrong rơngei, tơbôl păng hơtŏk tơ-iung tơ̆ tơring păng lơ̆m apŭng plenh teh.

Ƀok Tổng Bí thư Nguyễn Phú Trọng sơkơ̆t hơdah, Việt Nam ling lang lăng tơgĭt tơdrong hơtŏk jang tơbôl hăm dôm teh đak bôl boăl juăt jue, lơ̆m noh lăng tơgĭt tơdrong jang tơbôl hăm Kazakhstan. Ƀok Tổng Bí thư Nguyễn Phú Trọng pơma dơnuh hăm ƀok Kơdră Kassym-Jomart Tokayev gah minh ƀar trong jang gĭt vă hơtŏk tơbôl juăt jue kơ 2 teh đak tŏk minh jăl 'nao, hơtŏk jang tơbôl tôm tơdrong kơyuơ tơdrong pơyua ăn teh đak, tơgop kăp gĭt ăn tơdrong rơngei, sơđơ̆ng păng jơnap lơ̆m tơring păng lơ̆m kơpal teh.