Tơ̆ jơ sơng, Ƀok Tổng Bí thư Nguyễn Phú Trọng sơkơ̆t hơdah, Việt Nam hơnơ̆ng lăng tơgĭt tơdrong tơgŭm gĭt kăl đơ̆ng kon pơlei Liên Xô păng kon pơlei Nga hlôi asong ăn Việt Nam lơ̆m khei năr tơblah vang tơnap tap sơ̆ adoi nhen lơ̆m tơdrong tơ-iung pơjing păng vei lăng teh đak đơ̆ng rŏng kơ noh, sơkơ̆t hơdah tơdrong lăng tơgĭt hăm tơbôl juăt jue, Jang hadoi tôm tơdrong hăm Nga. Đảng Cộng sản Việt Nam lăng tơgĭt tơdrong hơtŏk tơbôl hăm dôm Đảng dơnơm tơ̆ teh đak Nga.

Ƀok Tổng Bí thư Nguyễn Phú Trọng ră hơdah minh ƀar trong jang tih vă pơtoi hơtŏk pran tơdrong tơbôl Việt Nam - Liên bang Nga lơ̆m khei năr truh. Ƀok Kơdră Đu-ma Kuôk ya Nga sơkơ̆t hơdah Liên bang Nga hơnơ̆ng lăng tơgĭt Việt Nam jing teh đak jang hadoi kăp gĭt lơ̆m tơchơ̆t jang tơbôl kơ po tơ̆ tơring châu Á - Thái Bình Dương.