Pơma dơnuh hơ-iă hăm rim bơngai hŏk, ƀok Tổng Bí thư Tô Lâm hlôi tơblang minh ƀar tơdrong kăp gĭt gah jơhnơr hơrih ‘nao, jơhnơr hơrih hơtŏk tơ-iung kơ hơdrung hơdrĕch teh đak; anih vă pơkăp hơ-‘nhăk teh đak pơm jang lơ̆m jơhnơr hơrih ‘nao, jơhnơr hơrih hơtŏk tơ-iung kơ hơdrung hơdrĕch teh đak; kiơ̆ kơ noh, jơhnơr hơrih kơ minh chăl sơnăm đei pơtơm hăm dôm tơdrong kăp gĭt tơrĕk tih tên truh tơdrong hơtŏk tơ-iung kơ tơpôl – joh ayŏ - chĭnh trĭ  - cham char.

Ƀok Tổng Bí thư Tô Lâm sơkơ̆t hơdah, khei năr pơtơm kơ jơhnơr hơrih ‘nao noh đơ̆ng Hop akŏm mă 14 kơ Đảng, đơ̆ng âu, rim kon pơlei Việt Nam, kơ hrĕng trĭu bơngai nhen minh, hăm tơdrong pơgơ̆r đơ̆ng Đảng, minh jơhngơ̆m đon, tơgenh tơdrong hiôk vă pơm jang, tang găn lê̆ tơdrong tơnap tap, hơ-‘nhăk teh đak hơtŏk tơ-iung tôm tơdrong, tơtuh pơnăr păr pran kơtang hloh.