Tơ̆ jơ pơma nuh, ƀok Trần Cẩm Tú pơma hơdăh, 2 teh đak Việt Nam păng Trung Quốc jĭ teh đak tơjê̆ băl, đei lơ tơdrong vă lei lăi băl găh jŏh ayŏ kơ dŏ xoang, đei tơdrong pơvei ‘lơ̆ng hơiă đơ̆ng sơ̆, jĭ 2 teh đak xã hội chủ nghĩa yoa Đảng Cộng sản chĕp kơ̆l. Đảng, Teh đak păng kon pơlei Việt Nam hơnơ̆ng năng kăl tơdrong pơvei hăm Trung Quốc, jĭ tơdrong chă rơih tôch gĭt kăl păng hơnơ̆ng pơ ‘nhŏ hơdrol lơ̆m trong jang tơbôl đơ̆ng Việt Nam.

Ƀok Triệu Lạc Tế pơma hơdăh, Đảng, Khul kơdră teh đak Trung Quốc năng Việt Nam jĭ trong pơ ‘nhŏ jang hơdrol lơ̆m tơdrong jang tơbôl hăm teh đak tơjê̆, lui ‘măng năm hơpong gô tơgop gĭt kăl lơ̆m tơdrong hơnơ̆ng pơm hơdăh dôm trong jang păng bơ̆ jang kiơ̆ đon hlôh vao atŭm đơ̆ng 2 ‘nu ƀok Tổng Bí thư kơ 2 Đảng.