Pơgê ‘năr 8/8, tơ̆ Hnam Kuôk hô̆i, Khŭl dăr hơlen tơdrong jang “ Tơdrong bơ̆jang kiơ̆ trong jang tơgŭm, khôi luơ̆t găh vei lăng tĕch mơdro teh, hnam păng hơtŏk tơiung hnam oei tơpôl sơnăm 2015 truh đĭ sơnăm 2023" hop akŏm ‘măng mă mônh. Khŭl dăr hơlen tơdrong jang yua đơ̆ng Phŏ Kơdră Kuôk hô̆i Trần Thanh Mẫn pơm kơdră khŭl, hơdai hăm 3 Phŏ kơdră khŭl; 22 ‘nu bơngai jang lơ̆m khŭl păng 1,2 ‘nu bơngai tang măt, bơngai joăt jang hơvơn. Tơdrong tơm dăr hơlen ‘noh jĭ hơlen lăng dôm tơdrong iŏk yua, tam mă ‘lơ̆ng, mơmat tat, tơhlăk tơhlĭn, lăng kiơ̆ ƀai hŏk hlôh vao, tơlĕch trong jang hơtŏk ‘lơ̆ng iŏk yua bơ̆jang kiơ̆ trong jang tơgŭm, khôi luơ̆t găh vei lăng tĕch mơdro teh păng hnam oei tơpôl.

Hăm hơtŏk tơiung hnam oei tơpôl, dăr hơlen akŏm lơ̆m tơdrong jang, trong tơlĕch jang, dôm trong jang hơtŏk tơiung hnam oei tơpôl, bơngai, tơdrong hiôk sa yua trong jang tơgŭm găh hnam oei tơpôl... Pơma tơ̆ hop akŏm, Phŏ Kơdră Kuôk hô̆i Trần Thanh Mẫn pơma hơdăh ‘nâu jĭ tơdrong jang dăr hơlen tih đơ̆ng Kuôk hô̆i, athei dôm bơngai jang lơ̆m khŭl hơdrin vang jang hơlen lăng pơma dơnuh, tơgop nơ̆r vă Tơlĕch trong jang dăr hơlen, roi tơbăt pơtôch dăr hơlen păng Tơdrongt ơchơ̆t găh pơtôch dăr hơlen tơdrong jang ioưk đei jơnei ‘lơ̆ng hloh.