4 khŭl pơlong truh đơ̆ng dêh char: Đắk Lắk, Kon Tum, Bình Phước, Sơn La hlôi vang pơlong pơtôch tơdrong pơlong bơngai jang chŭn mir pơjei băl jang hơgei sơnăm 2025. ‘Nâu jĭ dôm khŭl jang tôch kơ hơgei đei rơih iŏk kiơ̆ dôm ‘măng pơlong hơdrol ‘noh vă rơih đei dôm khŭl kon pơlei pơtăm cheh phe hơgei hloh tơgop muh măt lơ̆m gơmăng pơlong pơtôch. Hăm hơnăn “Choh pơtăm cheh phe hơgei”, dôm bơngai pơlong yak hloh 4 tơdrong pơlong: Bơngai jang chŭn mir apĭnh kơkuh, bơngai jang chŭn mir hơgei, bơngai jang chŭn mir jang hơdai păng bơngai jang chŭn mir long nol.

‘Moi kiơ̆ dôm tơdrong pơlong đe bơngai pơlong hlôi tơƀôh tơdrong hlôh vao, gơh jang, lăng băt păng gơh iŏk yua khoa hŏk ki thuơ̆t hơgei lơ̆m pơm tơlĕch cheh phe hơgei pơm lăp hăm tơplih tŏ ‘mi kial păng dôm tơdrong ƀơm truh pơm tơlĕch, tĕch mơdro, jang hơdai pơm tơlĕch, pơm tơlĕch đei hla ar pơkăp, pơjing păng hơtŏk tơiung jang hơdai lơ̆m tơdrong jang cheh phe Việt Nam.