Pơtơm đơ̆ng năr 5/2/2025 ƀơ̆t tơbăt 95 sơnăm Năr tơ-iung pơjing Đảng, tơdrong pơlong jing 'măng akŏm chinh trĭ, đon bơnôh 'lơ̆ng, pơjing tơdrong pơlong lơ̆m tôm tơpôl păng Khul linh. Jơnŭm pơgơ̆r sơng đei hloh 8.000 tak phâm lơ̆m 5 tơdrong chih pơlong: chĭnh luâ̆n, phŏng sư̆, chih tơroi ƀăo chĭ păng tơroi tơbăt pơre nơ̆r; lơ tak phâm 'lơ̆ng, tơjră hăm tơdrong kơnê̆.

Jơnŭm châ̆m mă blŭng rơih vă tơmơ̆t pơlong mă hơtuch hloh 116 tak phâm păng pôk hơpah ăn 66 'nu  đei tak phâm hơgei hloh noh: 5 hơpah  A, 11 hơpah B, 25 hơpah C păng 25 hơpah Pơchhơp jơhngơ̆m; pôk Hla bar Hmach bơnê ăn 10 khul hơgei hloh lơ̆m tơdrong pơgơ̆r păng pơtơm tơdrong pơlong. Ah jơ lêh, rim bơngai chih, khul chih đei jơnei iŏk pôk hơpah hlôi đei pơre hơnăn. Tổng Bí thư Tô Lâm păng Đại tướng Phan Văn Giang, Ƀô̆ trương Hơnih tơm vei lăng Khul linh teh đak pơjao hơpah A ăn 5 tak phâm hơgei hloh ăn tơdrong pơlong.