Hơdrol kơ noh, hop akŏm pơdrơ̆ng 'măng mă mônh pơkăp kơsô̆ bơngai jang tang măt ăn Kuô̆k hô̆i đei pôk tơ̆ dêh char noh 15 'nu, đei 6 'nu tang măt kơyuơ Trung ương pơkăp păng 9 'nu tang măt kơyuơ tơring pơkăp; kơsô̆ bơngai đei pơkăp lĕch măt tơgar noh 28 'nu. Kiơ̆ đơ̆ng pơkăp asong, Hơnih jang Măt trâ̆n tôh kuô̆k Việt Nam dêh char tơroi tơbang truh 17 hơnih jang, vă pơkăp hơnăn 22 'nu. Truh 5 jơ kơsơ̆ năr 25/1/2026, Măt trâ̆n tôh kuô̆k dêh char sơng iŏk đei tôm hô sơ kiơ̆ tơchơ̆t.

Hop akŏm pơdrơ̆ng hơnăn pơkăp 22 'nu păng pơma đam gah dôm tơdrong akŏm iŏk nơ̆r tơgop đơ̆ng kon pơlei tơ̆ hơnih oei xa, hơnih pơm jang. Pơma ah hop akŏm, yă Cao Thị Hòa An, jang lơ̆m Trung ương Đảng, Phŏ Ƀĭ thư Juăt jang Tĭnh uy, Kơdră Hô̆i đŏng kon pơlei dêh char, Kơdră Hơnih Pơgơ̆r pôk rơih dêh char Đăk Lăk pơtruh nơ̆r hăm Hơnih jang Măt trâ̆n tôh kuô̆k Việt Nam dêh char pơtoi jang kơjăp hăm rim hơnih jang đei tơrĕk, pơm jang trŏ pơkăp pơma đam đơ̆ng rŏng noh, vei sơđơ̆ng hiôk hian, trŏ tơchơ̆t đơ̆ng khôi luơ̆t teh đak.