Iung pơma tơ̆ Pơm lêh et hơtŏk, Kơdră chĕp pơgơ̆r Teh đak Lương Cường sơkơ̆t hơdăh, ‘nou jĭ tơdrong pơgơ̆r tôch gĭt kăl, ưh khan lăp tơbăt hơdăh tơdrong ming man keh đang, tơmơ̆t iŏk yoa hơnih bơ̆ jang, mă oei tơƀôh hơdăh jơhngơ̆m đon tơgoăt tơgoăl kơjăp ƀar păh tơdrong joăt joe kơ kĕch mang Việt Nam, hăm tơdrong kăl tơ iung pơjing Teh đak pháp quyền xã hội chủ nghĩa Việt Nam gơh hơgei, pran kơtang, teh đak kơ Kon pơlei, kơ yuơ kon pơlei, yuơ kon pơlei, lơ̆m chăl atŏk tơ iung ‘nao kơ hơdrĕch hơdrung Việt Nam. Vă hơnih jang đei vei lăng, iŏk yoa ‘lơ̆ng, Kơdră chĕp pơgơ̆r teh đak athei Hơnih bơ̆ jang ăn Kơdră chĕp pơgơ̆r Teh đak jĭ hơnih iŏk jang pơjao, vei lăng chĕp pơgơ̆r iung jang hơdoi hăm Hơnih bơ̆ jang Trung ương Đảng, Pơlei tơm Hà Nội, hơnih iŏk jang ming man sơng iŏk, vei lăng, bơ̆ jang jơnei, ‘lơ̆ng kơ jăp đunh đai tai sơnăm. Tơ̆ jơ pơm lêh, Tổng Bí thư Tô Lâm hăm Kơdră chĕp pơgơ̆r Teh đak Lương Cường, atŭm hăm rim kơdră chĕp pơgơ̆r, Kơdră so chĕp pơgơ̆r Đảng, Teh đak hlôi iung jang kăt che et hơtŏk keh đang Hnam bơ̆ jang Hơnih bơ̆jang ăn Kơdră chĕp pơgơ̆r Teh đak.