‘Moi kiơ̆ rim trong tơchơ̆t hlôi rơih iŏk, Gia Lai đei tơchơ̆t chĕp pơgơ̆r. Hăm hơnăn “Gia Lai – Bri kơdrơ̆ng hơsơ̆ng truh đak dơsĭ glơch glach”, Sơnăm Tơmang pơhiơ̆ teh đak 2026 pơtruh nơ̆r tơbăt ăn tơgoăt dih băl ‘lơ̆ng hơ iă ƀar păh bri kông hăm đak dơsĭ, ƀar păh bri brăh hăm tơdrong oei sa joăt joe sơ̆ ki, ƀar păh vei răk tơƀăk mong hăm atŏk tơ iung kơjăp ‘lơ̆ng. Kiơ̆ đơ̆ng Khul kơdră chĕp pơgơ̆r, ‘măng pơgơ̆r ou gô đei pơgơ̆r 244 tơdrong pơgơ̆r tơmang pơhiơ̆, joh ayŏ kơdŏ soang, đă ƀŏng lŏng tơplŏng kơdou đei pơgơ̆r prăt lơ̆m sơnăm, hăm vang iung jang đơ̆ng Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆, dêh char Gia Lai păng 22 dêh char, pơlei tơm lơ̆m teh đak; rim tơdrong pơgơ̆r đei tơlĕch kiơ̆ hơnăn kơ rim chăl sơnăm, sơđơ̆ng ‘lơ̆ng pơgơ̆r hơnơ̆ng, lơ tơdrong păng ‘lơ̆ng hơ iă.