Kơvang pơkao kơ Khul kơpal chih chư “Ling lang ƀlŏk bơnê kơ Ƀok Kơdră Hồ Chí Minh gơh hơgei”. Lơ̆m tơdrong kŭp jom grasia, rim bơngai tang măt tơbang hơdah đon bơnôh kŭp jom, pôk bơnê kơ tơdrong tih tên đơ̆ng Ƀok Kơdră Hồ Chí Minh – bơngai pơjing, pơgơ̆r păng pơhrăm Đảng Cộng sản Việt Nam, khul jang yuk hơlou ăn bơngai pơm jang păng kon pơlei Việt Nam.

Lêh pơjôk đei pơgơ̆r lơ̆m khei năr jơ̆p teh đak sô̆ hơ-iă hăm tơdrong Hop akŏm bơngai tang măt jơ̆p teh đak 'măng mă 14 kơ Đảng, hơtŏk đon lui păng tơdrong hơpơi 'meh đơ̆ng kon pơlei. Hăm tơdrong pơgơ̆r đơ̆ng Đảng, tôm kon pơlei, tôm khul linh khŏm mă jang đei jơnei Tơchơ̆t Hop akŏm mă 14, tơ-iung pơjing teh đak rơngei hiôk hian, pơdrŏng pran kơtang, jơnap gơh hơgei.