Pơma tơ̆ hop akŏm, Phŏ Kơdră Ban Nội Chính Trung ương Nguyễn Thái Học tơroi hơdăh, hăm tơdrong jang ‘noh jĭ anih jang tơgŭm gĭt kăl kơ Đảng lơ̆m tơdrong jang nội chính, tang găn sa pơ gơ̆m pơ jĭp, ưh kơ ‘lơ̆ng păng hơmet ming tư pháp, Ban Nội chính Trung ương đei Jơnŭm Khoa hŏk dôm anih jang Đảng Trung ương, pơjao tơchĕng hơlen hơnăn khoa hŏk tơm vă đơ̆ng noh hơmet ăn tơdrong chih hơmet ming dôm hla ar pơtruh ăn Hop akŏm ‘măng mă 14 kơ Đảng.

Tơ̆ hop akŏm dôm bơngai tang măt, bơngai jang khoa hŏk vang hơdai băl pơma dơnuh vă pơm hơdăh tơdrong găh: Tơdrong hơtŏk tơiung hlôh vao lý luận đơ̆ng Đảng bơ̆n găh tơdrong jang tơgŭm dôm anih jang Đảng tơ̆ Trung ương lơ̆m tơdrong jang nội chính, tang găn sa pơ gơ̆m pơ jĭp, ưh kơ ‘lơ̆ng păng hơmet ming tư pháp; Hơlen lăng jơnei iŏk đei, dôm tơdrong oei đei, tam mă ‘lơ̆ng pơm ăn păng ƀai hŏk hlôh vao lơ̆m tơdrong jang tơgŭm đơ̆ng dôm anih jang Đảng. Kiơ̆ đơ̆ng noh tơroi đei dôm tơdrong ‘nao tơlĕch ăn kăl kơ akŏm hơmet pơ ‘lơ̆ng păng dôm hơnăp jang trong jang tơm ‘lơ̆ng, apĭnh tơlĕch nơ̆r, vă hơtŏk ‘lơ̆ng tơdrong jang tơgŭm đơ̆ng rim anih jang Đảng.