Pơma  dơnuh hăm Kơdră Anih tơm vei lăng găh pơtho pơhrăm găh tơdrong ‘nâu, bơngai tang măt Nguyễn Thị Xuân tơbăt: jô̆ păh lăp rim sơnăm lơ̆m teh đak hlôi đei ƀôh hloh 1.500 ‘măng teh dong băl đơ̆ng hŏk tro lơ̆m păng ‘ngoăih hnam trưng; mưh 5.200 ‘nu hŏk tro ‘noh đei 1 ‘nu hŏk tro tơ teh băl.... Bơngai tang măt Nguyễn Thị Xuân athei Khŭl kơdră teh đak kăl kơ bơngơ̆t truh hloh dơ̆ng truh tơdrong ‘nâu.

Kơdră Anih tơm vei lăng găh pơtho pơhrăm Nguyễn Kim Sơn pơma hơdăh, tơdrong gĭt kăl pơ jing tơdrong tơm rơh vă hơmet pơ ‘lơ̆ng đei tơdrong ‘nâu ‘noh jĭ tơlĕch jang mă ‘lơ̆ng tơdrong jang pơtho pơhrăm phô thŏng 2018 hăm tơdrong tơm hơtŏk tơiung kon bơngai, hơtŏk ‘lơ̆ng jơhngơ̆m đon ‘lơ̆ng kon bơngai Việt Nam. Kăl athei hơtŏk loi dơ̆ng tơdrong băt hơmet pơ ‘lơ̆ng dôm tơdrong đei ƀôh hăm kơ dih kâu hŏk tro. Kăl kơ tŏk loi dơ̆ng pơtâp pơhrăm găh tơdrong gơh hơmet pơ ‘lơ̆ng dôm tơdrong đei ƀôh hăm hŏk tro. Vă jê̆ truh gô đei dơ̆ng 1 hơnih joăt jang găh pơtho tơƀôh jơhngơ̆m đon tơchĕng đơ̆ng hŏk tro.