‘Nau jĭ mĭnh lơ̆m rim trong tơlĕch ăn tơ̆ pơm lêh tơlĕch pơting dih băl gĭt kăl kơkuh chơt hơ iă tơbăt 120 sơnăm năr pơjing dêh char păng 120 sơnăm pơjing păng atŏk tơ iung pơlei tơm Buôn Ma Thuột đei pơgơ̆r lơ̆m pơgê năr 20/3.

Atŏk kơtang ming hơmet pơ ‘lơ̆ng hơnih kơdrơ̆m, jang kiơ̆ jơnei tơdrong jang tơm teh đak tơ iung pơjing tơring tơrang ‘nao ‘lơ̆ng liĕm. Lơ̆m au, pơjing đei tŏ sĕt hloh 1 tơdrong jang păng 1 trong jang kăl, pơtăm ‘nao tŏ sĕt hloh 5.000 dơnơm ‘long pơm yơ̆p, hơdring pơđĭ 8 tơring iŏk đei jing tơring tơrang ‘nao ‘lơ̆ng liĕm păng đei tŏ sĕt hloh 1 tơring choh jang sa ‘nao yŭk trong hơlau. Atŏk tơ iung tơmam drăm OCOP đei hơnăn kơdih, gĭt kăl. Atŏk kơtang hơvơn tơmơ̆t jên jang, lăng truh hơnhăk pơlei tơm Buôn Ma Thuột đei jing hơnih kơdrơ̆m tơm, hơtŏk atŏk kơtang kơ tơring Tây Nguyên găh tơmang pơhiơ̆, jang pơgang, pơtho pơhrăm, khoa hŏk păng kmăi kmŏk lơ̆m sơnăm 2045.