Kơsô̆ jên asong ming man lơ 'măng đei hơmet noh hloh 1.239 tih hlj, jăl trong ataih 6,9 km, pơtơm đơ̆ng jăl trong Lê Duẩn - Đinh Tiên Hoàng păng hơnih mă hơtuch noh ah Jăl trong 27 – trong Đam San năm truh Cham gre păr Buôn Ma Thuột.  

Tơdrong pơgơ̆r et hơtŏk jăl trong noh kăp gĭt lơ̆m khei năr tơroh jăl trong nơnăm kơ dôm tơring lơ̆m dêh char, pơjing jăl trong tơm gah Hlĕch  – Pơbah pơlei tơm, pơ-'lơ̆ng jăl trong đơ̆ng pơlei tơm năm truh Jăl trong 27, Cham gre păr Buôn Ma Thuột; dar deh pơih să cham char tơring kơdrâ̆m kơ pơlei tơm, pơjing tơdrong hơtŏk anih jang trong nơnăm tăp dăr jăl trong tơm. Atŭm hăm noh, tơjur ƀiơ̆ tơdrong hrăt hrot hăm dôm kơluăi gre vih vơ̆t akŏm tơ̆ dôm jăl trong năm truh anih tơm lơ̆m jơ đei lơ bơngai păng gre nơnăm.