Khul bơ̆ jang atŭm hăm kơdră dêh char Điện Biên năm dŏng gơvang pơkao, soh hlôt nhang tơ̆ Hơnih soi tơbeh ƀô̆ đô̆i lôch răm kơdrăn tơblăh Điện Biên Phủ păng Pơsat Teh đak A1.

Tơ̆ hơnăp yang hơbang rim ƀô̆ đô̆i lôch dŏng teh đak, ƀok Nguyễn Hòa Bình hăm rim kơdră lơ̆m hlul hlôi kuh ka hla bat tơbăt jơhngơ̆m đon ‘mêm kơ eng kơtang, bơnê kơtang hăm tơdrong tơgop tih tên đơ̆ng rim ƀô đô̆i nuih mơng pran kơtang plang pham lĕch sĕch huŏng ăn tơdrong pơm rơngei hơdrĕch hơdrung. Adoi pơkăp hơnơ̆ng kiơ̆ yok rok jơ̆ng joăt joe Điện Biên Phủ nuih mơng, tơgoăt tơgoăl, kơrŭn jơhngơ̆m atŭm hăm Đảng, Ƀô̆ đô̆i păng kon pơlei jang kiơ̆ jơnei tơdrong jang tơ iung pơjing teh đak atŏk tơ iung pơdrŏng pran kơtang. Pơgê lơ̆m năr, ƀok Nguyễn Hòa Bình hăm Khul bơ̆ jang hlôi vang Pơm lêh et hơtŏk Hơnih bơ̆ jang kơ Hơnih xek tơlang dêh char Điện Biên - hơnih jang akŏp kon jên ming man truh 113 ti hlak jên.