Tơ̆ pơm lêh tơbăt, Khul hlôi tơbăt jơhngơ̆m đon ƀlŏk hơnơ̆r, ‘mêm kơ eng ăn 64 ‘nu ƀô̆ đô̆i hlôi lôch plang lơ̆m bơ̆ jang vei lăng pơm tơ-‘ngla đak dơsĭ, achon dơsĭ kơ Teh đak.

‘Măng pơgơ̆r pơm lêh hlôi đei pơgơ̆r gĭt kăl păng chhưu jơhngơ̆m, lơ bơngai ưh kơ kĕ gơ̆t đak măt. Lăp đơ̆ng rŏng pơm lêh soh hlôt nhang, Khul bơ̆ jang hlôi vang năm pơm lêh dŏng gơvang pơkao, tơmam soi tơbeh, atŭm hăm sem pơm hăm hla bơar vă ƀlŏk hơdơ̆r ăn pơhngol rim ƀô̆ đô̆i nuih mơng lôch dŏng teh đak. Trung tá Bùi Văn Quê, Kơ iĕng Kơdră chĕp pơgơ̆r Chinh trĭ Tơring 4 Ƀô̆ đô̆i đak dơsĭ sơkơ̆t hơdăh, rim jơhnơr kang ƀô̆, ƀô̆ đô̆i gô ling lang kiơ̆ yok rok jơ̆ng nuih mơng, vei lăng pơm tơ-‘ngla đak dơsĭ, achon dơsĭ kơ Teh đak.