Pơma ah hop akŏm, Ƀĭ thư anih jang Đảng Khô̆i Nguyễn Văn Thể ăn tơbăt, tơdrong pơm kiơ̆ tơchơ̆t chih tơroi hơnăn Bơngai jang hơmŏ lơ̆m Trung ương Đảng jing sơnong jang kăp gĭt hloh, tơgop pơjing khul kan ƀô̆ jang kăl kơ Đảng.

Ră hơdah dôm tơchơ̆t pơkăp Bơngai jang hơmŏ lơ̆m Trung ương Đảng jăl 14, jăl jang 2026-2031, Ƀĭ thư anih jang Đảng Khô̆i ră hơdah, bơngai đei tơroi chih hơnăn pơkăp athei đei đon tơchĕng chĭnh trĭ, đon bơnôh ‘lơ̆ng, tơnăp; hơnơ̆ng yuk hơlâu pơm kiơ̆ tơchơ̆t Đảng păng Khôi luơ̆t teh đak, đei sơnong jang tơnăp lơ̆m pơm jang kiơ̆ sơnong jang đei pơjao. Ah hop akŏm, rim bơngai tang măt hlôi tah kơphĭu păng drơ̆ng nơ̆r kơjăp tơroi 1 ‘nu jang kơ anih jang Đảng Khô̆i pơkăp Bơngai jang hơmŏ Trung ương Đảng jăl 14, jăl jang 2026-2031.