Tơ̆ Đắk Lắk, tơdrong jang đĭ đăng kon pơlei vang vei sơđơ̆ng teh đak hlôi đei lơ hơyak tŏk pran ‘lơ̆ng, đơ̆ng dêh char truh tơ̆ jơ̆p tơring. Lơ trong jang vei sơđơ̆ng kơdih, dôm khul jang tang găn tơdrong yoch bơ̆ jang tôch đei yoa. Pơma tơ̆ năr âu, Trung tướng Lê Quốc Hùng, Phŏ Kơdră tơm vei lăng Công an pơma hơdăh:

Đắk Lắk oei ƀât tŏk bŏk tơring Tây Nguyên đei anih dơ̆ng gĭt kăl găh tơdrong sơđơ̆ng, chinh trĭ, mŭk drăm, jŏh ayŏ kơ dŏ xoang - tơpôl. Trung tướng athei, Đắk Lắk hơnơ̆ng hơtŏk tơdrong jang đĭ đăng kon pơlei vang vei sơđơ̆ng teh đak, vang tơgop tưk tơiung jơhngâm pran, đon jang tơnăp păng jơhngâm pran tih tên đơ̆ng kon pơlei.