Ƀok Lê Minh Ngân, Phŏ Kơdră tơm vei lăng tơmam drăm păng cham char truh roi tơƀôh dôm tơdrong ‘nao lơ̆m Luơ̆t teh sơnăm 2024. Kiơ̆ ƀok Lê Minh Ngân, Luơ̆t Teh sơnăm 2024 ‘nŏh jĭ luơ̆t tôch gĭt kăl, ƀơm truh tơdrong jang tŏk mŭk drăm, tơpôl tơ̆ dôm tơring.

Yoa thoi noh, bơ̆ jang kiơ̆ nơ̆r pơtho đơ̆ng Khul kơdră teh đak, Anih tơm vei lăng tơmam drăm păng cham char hlôi chih pơjing dôm tơdrong hơgăt, nơ̆r pơtho tơƀôh pơm kiơ̆ luơ̆t hăm đon pơhnŏng jăh tơmât yoa Luơ̆t teh sơnăm 2024 lơ̆m ‘năr 1.7.2024.

Luơ̆t Teh sơnăm 2024 tôch tơrek truh dôm bơngai kăl đei tơgŭm lơ̆m tơpôl, bơngai choh jang xa, dôm hơyak vă hrŭ ‘mong, tơgŭm pơjing pơlei oei xa ‘nao păng iŏk pơdreu teh, pơm ‘lơ̆ng, bơngai đei tĕh đei iŏk pơdreu, đei hrŭ ‘mong, tŏk oei tơ̆ plei hle adrol kơ iŏk pơdreu teh.