‘Nâu jĭ tơdrong tơroi ‘nao đei tơlĕch tơ̆ Hop akŏm Anih chĕp kơ̆l đảng plt Đà Nẵng ‘măng mă 16, pơgơ̆r pơgê 16/7. Pơma pơih blŭng hop akŏm, ƀok Nguyễn Văn Quảng, Bí thư Đảng plt Đà Nẵng pơma hơdăh, hơdai hăm dôm tơdrong jang đei, tơdrong jang mŭk drăm, tơpôl kơ plt oei đei lơ pơmat tat, tam mă pran ‘lơ̆ng; mĭnh ƀar tơdrong hơgăt, tơdrong jang kiơ̆ Tơdrong tơchơ̆t păng hơnăn vă jang lơ̆m sơnăm 2024 bơ̆ jang tam mă đei yoa ‘lơ̆ng.

Tơdrong pơjing khul jang, atŏk tơiung đảng viên oei tơƀâp lơ pơmat tat. Jô̆ truh ‘năr 30/6/2024, đĭ đăng Đảng ƀô̆ plt tơmât đei 854 ‘nu đảng viên, hơtŏ hăm 1,39% kơsô̆ đảng viên ƀât blŭng sơnăm, dang 46,4% nơ̆r hơgăt. Tơ̆ hop akŏm ‘măng mă âu, Anih chĕp kơ̆l đảng plt Đà Nẵng oei pơma nuh, tơgop nơ̆r găh tơdrong hơmet ming anih jang hành chính tơ̆ apŭng, tơ̆ xăh đơ̆ng 2023-2025 kơ plt Đà Nẵng; Trong tơlĕch jên jang kơ teh đak sơnăm 2025; Roi tơbăt tơdrong jang đei kiơ̆ tơdrong Proh hơmet anih jang ki thuơ̆t tơ̆ tơring kơdrâm ‘moi kiơ̆ tŏ ‘mi kial tơplih; pơdrơ̆ng nơ̆r ăn Hla ar chih pơtôch tơdrong jang jên hu kơ Đảng sơnăm 2023 păng trong jang, tơdrong vă jang lơ̆m sơnăm 2024.