Tơ̆ jơ tơƀơ̆p, Kơdră chĕp pơgơ̆r Hơnih vei lăng kon pơlei kơ pơlei tơm Đà Nẵng hmach bơnê tơdrong tơgop kơtang đơ̆ng rim Khul Ƀô̆ đô̆i so pơlei tơm lơ̆m rim tơdrong jang pơting dih băl “Ƀô̆ đô̆i so pơm jŭk yŭk trong hơlau”, “Ƀô̆ đô̆i so tơgum djru dih băl tơjur dơnuh atŏk tơ iung mŭk drăm” hăm lơ trong jang hơ iă, tơchăr hơgei.

Tang măt ăn Kơdră chĕp pơgơ̆r pơlei tơm, Kơdră chĕp pơgơ̆r Hơnih vei lăng kon pơlei kơ pơlei tơm Đà Nẵng ‘meh vă lơ̆m khei năr kơnh, rim Khul ƀô̆ đô̆i so hơnơ̆ng plang ăn trong jang hơ iă, vang iung jang kơtang rim tơdrong jang pơting dih băl; rim yŏng, sỹ kuan Ƀô̆ đô̆i hlôi pơdơ̆h jang đei lơ tơdrong tơgop ăn tơdrong jang atŏk tơ iung atŭm kơ pơlei tơm.