Bơ̆ jang tơdrong jang tơbôl găh khul linh sơnăm 2024, pơgê 06/8, tơ̆ Hà Nội, Đại tướng Phan Văn Giang, Kơdră jang lơ̆m Anih tơm Chinh trĭ, Phó Bí thư Quân ủy Trung ương, Kơdră tơm vei lăng khul linh teh đak pơgơ̆r lêh sơng păng pơma đam hăm Kơdră tơm vei lăng khul linh teh đak Nhật Bản, ƀok Kihara Minoru.

Tơ̆ jơ pơma đam, găh trong jang hơdoi tơ̆ hơnăp kơnh, Đại tướng Phan Văn Giang athei 2 păh hơnơ̆ng pơma nuh hơnhăk tơdrong jang hơdoi găh khul linh mât lơ̆m khei ‘năr jang tŏk ‘nao, đei yoa, lăp hăm tơdrong “Pơvei gĭt kăl, jang hơdoi tôm tơdrong yoa tơdrong rơngei păng hơnŭk hơnoa tơ̆ châu Á păng lơ̆m apŭng plenh teh”. Găh tơdrong tơ̆ đak dơsĭ, Đại tướng Phan Văn Giang pơma hơdăh, Việt Nam hơnơ̆ng druh kiơ̆ trong sek tơlang tơdrong tơgar băl kiơ̆ trong rơngei ‘moi kiơ̆ khôi luơ̆t apŭng plenh teh, tơdrong pơkăp tơ̆ tơring, mă loi jĭ UNCLOS 1982, Tơdrong tơchơ̆t găh bơ̆ jang pơma xa ‘lơ̆ng hơiă đơ̆ng dôm pang tơ̆ Biển Đông (DOC) păng hơtŏk tơdrong pơma đam găh Dôm tơdrong hơgăt Bơ̆ jang, pơma xa ‘lơ̆ng hơiă đơ̆ng dôm pang tơ̆ Biển Đông (COC) mă đei yoa ‘lơ̆ng.