Tơ̆ pơma đam, 2 pah sơkơ̆t, jang hadoi gah linh Việt Nam - Malaysia roi năr roi kăp gĭt lơ̆m tơbôl Jang hadoi kơ 2 teh đak, đei Kơdră kơ 2 teh đak tơrĕk tơgŭm, hơtŏk trŏ ƀlep hăm dôm hla bar pơkăp jang hadoi gah linh mă 2 pah hlôi kĭ tơchơ̆t, đei jơnei kăp gĭt lơ̆m minh ƀar tơdrong nhen: asong khul kơpal jang hadoi gah linh, pơtho pơhrăm păng tơgŭm dih băl lơ̆m dôm tơdrong hop akŏm vei sơđơ̆ng tơpôl lơ̆m tơring păng lơ̆m kơpal teh, pơtruh khul kơpal năm hop akŏm kơyuơ rim teh đak pơgơ̆r.

Ƀar ƀô̆ trương sơkơ̆t hơdah, mŭk drăm păng tơdrong jang hadoi kơ 2 pah oei pran. Ƀar pah pơtoi tơlĕch jang đei dôm hla bar tơchơ̆t hlôi kĭ, mă kăl noh Hla bar tơchơ̆t jang hadoi gah linh kơ 2 pah mă gô kĭ pơkăp đơ̆ng rŏng kơ pơma đam, sơkơ̆t ăn tơdrong jang hadoi gah linh lơ̆m khei năr truh.