Pơma ah ‘măng akŏm, Ƀô̆ trương Tô Lâm sơkơ̆t hơdah, dôm nơ̆r tơgop đơ̆ng kon pơlei tah hla adoi tơroi kơ dôm tơdrong tih kăp gĭt păng tơbang sơnong kăp gĭt hăm teh đak; tơroi kơ tơdrong hơpơi ‘meh kăp gĭt đơ̆ng kon pơlei, tơgŭm ăn anih jang teh đak đei lơ trong kơleng năng păng tơtom tơlĕch dôm trong jang vă hơtŏk mŭk drăm – tơpôl ăn tôm kon pơlei.

Hăm tơdrong mă kon pơlei pơtruh hăm Kuôk hô̆i, Jơnŭm pơgơ̆r teh đak pơtoi tơrĕk truh trong jang pơyua ăn tơpôl, ƀao hiêm hơmet păng pơgang hơmet jĭ jăn, Ƀô̆ trương Tô Lâm sơkơ̆t hơdah: Tơchơ̆t pơyua ăn tơpôl đei Đảng păng teh đak bơ̆n tơrĕk pơgơ̆r pơm kiơ̆, mă kăl noh gah tơdrong jang pơgang păng hơmet jĭ jăn.