Đại tướng Tô Lâm hôn bơnê kơtang tơdrong iung jang hơdoi ƀar păh Khul kơdră chĕp pơgơ̆r Đảng pơlei tơm Hải Phòng hăm Khul kơdră Đảng Kŏng ang Trung ương lơ̆m tơdrong vei lăng sơđơ̆ng chinh trĭ, sơđơ̆ng tơpôl, tang găn khul yoch.

Đại tướng Tô Lâm athei, Khul kơdră chĕp pơgơ̆r Đảng pơlei tơm Hải Phòng jang kiơ̆ kơjăp lơ̆m rim trong tơlĕch jang, hơnơ̆ng atŏk kơtang tơ iung pơjing ming hơmet Đảng rơgoh ‘lơ̆ng pran kơtang, jang kiơ̆ kơtang hơmet pơ ‘lơ̆ng trong bơ̆ jang, tơdrong tơmơ̆t jên mơdro sa, atŏk kơtang jơhngơ̆m đon tơgŭm djru dih băl, tơgŭm sut sa pơngot rơvĕt tơjur dơnuh. Đơ̆ng dang ei truh năr Pơm lêh hop akŏm Đảng rim hơnih, Hải Phòng kăl dăr lăng kơjăp iung jang keh đang tĕnh koăng rim trong tơlĕch jang, iung jang ‘lơ̆ng bơ̆ jang pôk tơmơ̆t kơdră, vei kơjăp trong jang ‘lơ̆ng, ƀơ̆t yơ ưh kơ ‘lơ̆ng, kăl akŏm ming hơmet, mă kăl lăng ba kơjăp tơdrong vei lăng sơđơ̆ng dơ̆ng kơjăp teh đak.